लमजुङमा भालुको आक्रमणबाट एक गम्भीर घाइते
लमजुङ – मर्स्याङ्दी गाउँपालिका–६, नाइचेमा भालुको आक्रमणबाट एक जना बृद्ध गम्भीर घाइते भएका छन् । भालुले आक्रमण गर्दा नाइचे निवासी ७८ बर्षीय प्रेम बहादुर गुरुङ गम्भीर घाइते भएका हुन् ।
गुरुङले गाउँनजिकै भैसी गोठ सञ्चालन गर्दै आएका छन् । बिहिबार बिहान ९ बजेतिर जङ्गलबाट घाँस बोकेर फर्कने क्रममा गाउँ नजिकै उइडो खोलामा भालुले आक्रमण गरेपछि उनी गम्भीर घाइते भएको स्थानीय राजु गुरुङले बताए ।
भालुको आक्रमणबाट गुरुङको दाहिने कानमा गहिरो चोट लागेको छ । गम्भीर घाइते गुरुङलाई तत्काल उपचारका लागी प्रदेश अस्पताल लमजुङ ल्याइएको स्थानीयले बताए ।
प्रकाशित मिति: बिहीबार, मंसिर २५, २०८२ ०९:४८
प्रतिक्रिया दिनुहोस्
